Hinn tvítugi Presley Gerber, sonur fyrirsætunnar Cindy Crawford og Rande Gerber, fékk sér húðflúr í andlitið á dögunum. Gerber lét flúra orðin „MISUNDERSTOOD“ eða „MISSKILINN“ á hægri kinn sína.
Í myndbandi sem birtist á Twitter segir Gerber að fólk sem gagnrýni hann viti ekki hvernig honum líði innanbrjósts. Aðspurður hvaða þýðingu húðflúrið hafi sagði hann: „Mér finnst fólk ekki skilja mig, held ég.“
„Ef ég héldi að þetta myndi eyðileggja andlit mitt, eða ef ég vildi þetta ekki, hefði ég ekki fengið mér það. Ég held það sé frekar augljóst. Það stendur misskilinn því þannig hefur mér liðið alla mína ævi,“ sagði Gerber í myndbandinu sem hefur síðan verið eytt.
View this post on InstagramA post shared by Presley Gerber (@presleygerber) on Feb 7, 2020 at 4:26pm PST