Titillag nýjustu James Bond-kvikmyndarinnar, No Time To Die, var gert opinbert nú á miðnætti. Tónlistarkonunni Billie Eilish var falið það verkefni að semja lagið en hún er sú yngsta fram að þessu til að eiga heiðurinn af titillagi Bond-kvikmyndar.
Eilish er aðeins 18 ára en hefur skotist hratt upp á stjörnuhimininn á síðustu árum og fór meðal annars heim með fimm verðlaun af Grammy-verðlaunahátíðinni í janúar síðastliðnum.
Á miðnætti var stikla úr kvikmyndinni einnig birt þar sem lag Eilish hljómar undir.