Fjöldi tónlistarmanna og -kvenna sýndu listir sínar í Háskólabíói í kvöld þegar seinna undanúrslitakvöld Söngvakeppni Sjónvarpsins fór fram. Daði og Gagnamagnið komust áfram í símakosningu með lagið „Gagnamagnið“ ásamt Ivu sem flutti lagið „Oculis Videre“.
Auk þess valdi framkvæmdastjórn keppninnar að senda eitt lag áfram aukalega, lagið „Ekkó“ í flutningi Nínu.
Ásamt Daða og Gagnamagninu, Ivu og Nínu voru keppendur kvöldsins Hildur Vala og Matti Matt.
Áhorfendur völdu tvö lög áfram í úrslitakeppnina með símakosningu
Þá flutti tónlistarkonan Elín Ey ábreiðu af lagi Abba, „Waterloo“ og rapparinn Floni flutti ábreiðu af hinu sívinsæla Eurovison lagi „Draumurinn um Nínu“ áður en úrslitin voru tilkynnt.
Á síðasta undanúrslitakvöldi fóru lögin „Klukkan tifar“ og lagið „Almyrkvi“ áfram en fyrra lagið flutti tvíeykið Helga og Ísold og hið síðara hljómsveitin Dimma.
Úrslitakvöldið fer fram 29. febrúar næstkomandi í Laugardalshöll en þá verður ljóst hvaða atriði verður framlag Íslendinga í Eurovision í Rotterdam í maí.
Atriði seinna undanúrslitakvöldsins:
Gagnamagnið
Flytjandi:
Daði og Gagnamagnið
Lagahöfundur
Daði Freyr
Textahöfundur, íslenska
Daði Freyr
Textahöfundur, enska
Daði Freyr Pétursson
Fellibylur
Flytjandi
Hildur Vala
Lagahöfundar
Hildur Vala og Jón Ólafsson
Textahöfundur, íslenska
Bragi Valdimar Skúlason
Oculis Videre
Flytjandi
Iva
Lagahöfundar
Íva Marín Adrichem og Richard Cameron
Textahöfundar, íslenska
Íva Marín Adrichem og Richard Cameron
Textahöfundar, enska
Richard Cameron
Ekkó
Flytjandi
Nína
Lagahöfundur
Þórhallur Halldórsson og Sanna Martinez
Textahöfundar, íslenska
Þórhallur Halldórsson og Einar Bárðarson
Textahöfundar, enska
Þórhallur Halldórsson, Christoph Baer, Donal Ryan, Sanna Martinez
Dreyma
Flytjandi
Matti Matt
Lagahöfundar
Birgir Steinn Stefánsson og Ragnar Már Jónsson
Textahöfundur, íslenska
Matthías Matthíason