Eyjólfur Kristjánsson er geysilega sáttur við útgáfu rapparans Flóna á Draumi um Nínu.
Eyfi, sem er höfundur lags og texta, fann sig knúinn til að blanda sér í umræðuna á Twitter eftir að skiptar skoðanir virtust vera um flutning Flóna á laginu sígilda á seinna undanúrslitakvöldi Söngvakeppninnar í gær.
Sumir heilluðust á meðan aðrir gerðu athugasemdir við ýmislegt, til að mynda „autotune-ið“. Páll Óskar Hjálmtýsson, poppkóngurinn sjálfur, er himinlifandi með flutninginn og útsetningu lagsins.
„Vegna umræðu um flutning Flóna á "Draumur um Nínu" í gær, þá vildi ég bara segja sem höfundur lags og texta að ég er geysilega sáttur við þessa frumlegu útgáfu, vel gert,“ skrifar Eyfi á Twitter og líkur færslunni á „pís-merki“. Ætli stóra Nínu-málið sé þá útrætt?
Vegna umræðu um flutning Flóna á “Draumur um Nínu” í gær, þá vildi ég bara segja sem höfundur lags og texta að ég er geysilega sáttur við þessa frumlegu útgáfu, vel gert✌️
— Eyfikr (@eyfikr) February 16, 2020