Í felum þangað til hann grennist

Óskarsverðlaunaleikarinn Russell Crowe er sagður vera í felum þangað til hann grennist að því er fram kemur á vef Page Six. Crowe hefur vakið athygli að undanförnu fyrir vöxt sinn. Crowe vann Golden Globe-verðlaun í byrjun árs fyrir hlutverk sitt í The Loudest Voice. Hann mætti ekki til þess að taka á móti verðlaununum í Los Angeles. Var hann þess í stað í Ástralíu með börnunum sínum. 

„Ástæðan fyrir því að enginn hefur séð Russell um tíma er sú að hann er í megrun. Hann vill koma úr felum þegar líkami hans lítur betur út,“ sagði heimildarmaður. 

Er Crowe sagður hafa skammast sín vegna mynda sem teknar voru af honum sem sýndu hann í íþróttabuxum með bumbuna út í loftið. 

„Honum finnst gott að borða. Hann borðar mikið af steikum og skyndibita. Það er erfitt fyrir hann að skipta yfir í heilsusamlegri lífsstíl,“ sagði heimildarmaðurinn. 

Frétt af mbl.is

Hvað kom fyrir Russell Crowe?

Leikarinn er þekktur fyrir að breyta líkamlegu atgervi sínu fyrir kvikmyndahlutverk og er talið að hann hafi bætt aðeins á sig fyrir myndina Unhinged sem kemur út í ár. Bætti hann einnig á sig fyrir hlutverkið Roger Ailes í þáttunum The Loudest Voice. 

• Blogga um frétt