Hljómplata rapparans Dave, Psychodrama, var valin plata ársins á Brit-verðlaunahátíðinni í gærkvöldi. Lewis Capaldi átti aftur á móti lag ársins, Someone I Loved. Hann var jafnframt valinn nýliði ársins.
Stormzy var valinn besti breski tónlistarmaðurinn og Mabel besta breska tónlistarkonan. Foals var valin sveit ársins og Billie Eilish var valin besta alþjóðlega tónlistarkonan en Tyler the Creator besti alþjóðlegi tónlistarmaðurinn.