Talið er að hver og einn leikari í Friends fái um 320 milljónir króna fyrir að koma fram í sérstökum afmælisþætti sem verður sýndur á streymisveitunni HBO Max í maí.
Ekkert handrit hefur verið búið til vegna þáttarins.
„Ætli það megi ekki kalla þetta þáttinn þar sem þau komu öll saman aftur – við erum að hitta þau David, Jennifer, Courteney, Matt, Lisu og Matthew í sérstökum þætti á HBO Max sem verður sýndur meðfram Friends-safninu,“ sagði Kevin Reilly, yfirmaður hjá HBO Max.
Stjörnur þáttarins hafa sett færslur á Instagram með myndum af þeim saman á forsíðu tímaritsins Rolling Stone í tilefni endurkomunnar. Tæplega 4,8 milljónir manna líkuðu við færslu Aniston á aðeins þremur klukkustundum.
View this post on InstagramA post shared by Jennifer Aniston (@jenniferaniston) on Feb 21, 2020 at 2:04pm PST