Kvenkostir sem Affleck leitar að

Leikarinn Ben Affleck vill vera kominn í ástríkt og gott sambandi eftir fimm ár. Leikarinn hefur verið afar hreinskilinn í viðtölum að undanförnu og talað opinskátt um vandamálin í einkalífi sínu. Hann var tekinn á teppið í viðtali við ET og spurður hvað kostum framtíðarkona hans þyrfti að búa yfir. 

„Ég veit ekki, trausti? Og væntumþykkju og sameiginlegri virðingu og öllu þessu venjulega,“ sagði Affleck sem var lengi vel giftur leikkonunni Jennifer Garner. Því hjónabandi lauk meðal annars vegna drykkjuvanda Affleck. „Það gerist samt bara þegar það gerist. Það er ekki eitthvað sem þú getur þvingað.“

Frétt af mbl.is

Drykkja Affleck olli vandamálum í hjónabandinu

Affleck er nú að kynna nýjustu mynd sína The Way Back. Í myndinni leikur Affleck körfuboltaþjálfara sem glímir við fíknivanda, eitthvað sem Affleck hefur sjálfur reynslu af. Hann er ánægður með vonina sem myndin gefur. 

„Hugmyndin um að lífið verði betra, að þú getir orðið betri, að þú getir komist yfir hindranir þínar er mér afar mikilvæg og það er nálgunin sem mér finnst góð við þessa mynd,“ sagði Affleck. 

Jennifer Garner og Ben Affleck voru gift. AFP

• Blogga um frétt