Fyrsti gesturinn í nýjustu þáttaröðinni Með Loga kemur beint úr Hollywood þar sem hún hefur gert garðinn frægan í tugum kvikmynda. Noomi Rapace er sænsk en rætur hennar liggja líka hingað til Íslands, alla leið í sveitina á Flúðum. Þar bjó hún með móður sinni og íslenskum stjúpföður og eignaðist dásamlegar minningar sem hún rifjar upp, á íslensku, með Loga í einlægu viðtali.

Í skugga hrafnsins var fyrsta myndin sem Noomi Rapace lék í, þá aðeins 7 ára gömul, og þá ákvað hún að hún vildi verða leikkona. Hún varð síðar heimsfræg fyrir hlutverk sitt sem Lisbeth Salander í Millennium-kvikmyndaþríleiknum sem er byggður á metsölubókum Stieg Larsson. Í dag er hún ein helsta kvikmyndastjarna Svía og hefur leikið í tugum kvikmynda með mörgum af þekktustu leikurum heims og hlotið fjölda tilnefninga og verðlauna. 

Nú sest hún í stólinn hjá Loga Bergmanni Eiðssyni sem fyrsti gestur hans í nýrri þáttaröð Með Loga. Þátturinn kemur í Sjónvarp Símans Premium á fimmtudag en er einnig sýndur í opinni dagskrá kl. 20.10.

Tengdar fréttir

Með Loga

Fékk 40 stiga hita og blaðraði einhverja vitleysu í covid-móki

• „Ég átti kvöldstund með Gwyneth Paltrow þarna einu sinni“
• Sagði upp í bankanum og sér ekki eftir því
• Skilin og svaf á dýnu á gólfinu hjá foreldrum sínum
• Svala fór til geðlæknis 27 ára og fékk lyf

» Fleiri tengdar fréttir

• Blogga um frétt