Vökvaði gerviplöntu í 2 ár

Ábyrgur plöntueigandi vökvaði þykkblöðunginn sinn í tvö ár með góðum árangri. Plantan hélt sér vel og var alltaf jafn græn og falleg. Eftir tvö ár ákvað eigandinn svo að umpotta plöntunni, eins og góðir plöntueigendur gera, og komst þá að því að plantan væri gervi. 

Caelie Wilkes, eigandi plöntunnar, deildi sögu sinni á Facebook um helgina og hefur sagan fengið mikla athygli.  

„Ég gaf henni svo mikla ást. Ég þvoði lauf hennar. Ég reyndi mitt besta til að halda henni á lífi og hún er úr plasti. Hvernig fattaði ég þetta ekki,“ skrifaði Wilkes í færslu sinni á Facebook og bætti við að henni liði eins og síðustu tvö ár með plöntunni hafi verið lygi.

• 1 blogg um fréttina

Bloggað um fréttina

• Helga Kristjánsdóttir: "Til eru fræ sem fengu þennan dóm"fann það hún Guddý …