Raunveruleikastjarnan og lögfræðineminn Kim Kardashian West heldur á fund Donald Trump Bandaríkjaforseta í dag. Kardashian West hefur verið reglulegur gestur í Hvíta húsinu síðustu tvö ár en hún hefur barist ötullega fyrir réttindum fanga. 

Frétt af mbl.is

Hverju hefur lögfræðibrölt Kardashian West skilað?

Í för með Kardashian West eru konur sem hafa setið inni. Þar á meðal er Alice Marie John­son sem Kardashian West fékk lausa úr fangelsi árið 2018. Nánar má lesa um sögu Johnson hér. 

Crystal Munoz, Judith Negron og Tynice Hall eru allar með í för en Trump hefur mildað fangelsisdóma þeirra allra og eru þær frjálsar konur í dag. 

Munoz fékk 20 ára dóm fyrir vörslu og sölu á maríjúana. Þegar hún var dæmd í fangelsi skildi hún eftir 5 mánaða gamalt barn sitt en hún var einnig ófrísk þegar hún fór í fangelsið. Hún fæddi barn sitt í fangelsinu og var bundin niður í fæðingunni af fangavörðum. 

Negron fékk 35 ára fangelsisdóm fyrir að ætla að svindla á bótum. Dómur hennar var þyngsti dómur yfir konu sem framdi hvítflibbabrot. Þegar hún var lokuð inni skildi hún tvö ung börn eftir heima. Hún hafði aldrei brotið af sér áður. 

Hall fékk einnig 35 ára fangelsisdóm fyrir fíkniefnasamsæri. Þáverandi kærasti hennar notaði heimilið hennar undir fíkniefnasölu sína. Hún var aðeins 22 ára þegar hún fór í fangelsi en sonur hennar var þá 3 ára. 

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt