Courtney Stodden, sem gekk í hjónaband aðeins 16 ára, greindi frá því í gær að hún og eiginmaður hennar Doug Hutchison væru skilin.
Stodden og Hutchison giftu sig fyrir 9 árum, þegar hún var 16 ára og hann 50 ára. Hjónaband þeirra var ekki dans á rósum að því er fram kemur í tilkynningu Stodden á Instagram. Hún segir hann hafa beitt hana andlegu ofbeldi síðustu árin.
„Í dag er 3. mars 2020. Í dag er ég formlega skilin við leikarann Doug Hutchison. Þetta er tilfinningaþrunginn dagur fyrir mig,“ skrifar Stodden í færslu sinni. Hún birti einnig mynd af þeim hjónum á brúðkaupsdaginn.
„Ég lít á þessa mynd og hugsa til baka og mér líður eins og hann hafi notfært sér mig. Ég hef verið hrædd að tala um þessar tilfinningar og að vera beitt andlegu ofbeldi í nærri því tíu ár því ég var barn og hann var 50 ára þegar við giftumst. En ég er kona núna og það er tími til kominn að ég fari í „stóru-stelpu-buxurnar“ mínar og tjái mit um þetta. Mér hefur liðið eins og ég hafi verið föst í gildru,“ skrifar Stodden.
View this post on InstagramA post shared by Courtney Stodden (@courtneyastodden) on Mar 3, 2020 at 12:11pm PST