Hertogahjónin af Sussex, Harry og Meghan, mættu á sinn síðasta viðburð saman á mánudag áður en þau láta af konunglegum störfum í lok mánaðar. Hjónin voru umkringd öðru kóngafólki en samskipti bræðranna Harrys og Vilhjálms vöktu athygli erlendra miðla og voru samskipin stíf.
Kóngafólkið tók sér sæti í Westminister Abbey í Lundúnum eftir því hvar þau eru í erfðaröðinni. Vilhjálmur og Katrín sáust heilsa Harry og Meghan stuttlega. Á meðan beðið var eftir drottningunni töluðu Harry og Meghan við Játvarð prins en Vilhjálmur og Katrín við eiginkonu hans Sophie.
Á vef People kemur fram að Katrín hafi forðast augnsamband við mág sinn og svilkonu á meðan Vilhjálmur heilsaði stuttlega.
Á breska vefnum Express er því slengt fram að augnablikið sem Meghan og Harry heilsuðu Katrínu og Vilhjálmi hafi verið vandræðalegt.
Á vef Telegraph er síðasta opinbera viðburði Harry og Meghan lýst sem vandræðalegri blöndu af þvinguðum brosum og innihaldslausu spjalli.
Á vef The Sun er það rifjað upp að á sama viðburði í fyrra heilsuðust Katrín og Meghan með kossi en í ár var allt annað uppi á teningnum.
Hér fyrir neðan má sjá þessi umtöluðu samskipti.
The Duchess of Sussex waves to the Duke & Duchess of Cambridge as they arrive at the #CommonwealthDay Service pic.twitter.com/G5S4382d0w
— Royal Central (@RoyalCentral) March 9, 2020
The Duke & Duchess of Sussex in deep conversation with the Earl of Wessex at the #CommonwealthDay Service. pic.twitter.com/VvuPRXorqQ
— Royal Central (@RoyalCentral) March 9, 2020