Tom Hanks með kórónuveiruna
Setja bókamerki
Leikarinn Tom Hanks og eiginkona hans, Rita Wilson, eru með kórónuveiruna. Þessu greinir Hanks frá á Instagram, en hjónin eru stödd í Ástralíu um þessar mundir.
Hanks lýsir því að þau hafi leitað læknisráðs eftir að þau fundu fyrir einkennum kórónuveirunnar í Queensland. Úr þeim hafi verið tekið sýni vegna veirunnar, sem reyndust jákvæð og eru hjónin í einangrun.
Eins og áður segir voru Hanks og Wilson stödd í Ástralíu, en þar var Hanks að vinna að kvikmynd um líf Elvis Presley.
„Við vorum svolítið þreytt, vorum með kvef og beinverki. Rita fékk hroll sem kom og fór. Smávegis hiti líka. Til þess að bregðast rétt við, eins og heimurinn þarf á að halda núna, létum við taka úr okkur sýni vegna kórónuveirunnar, sem reyndust jákvæð,“ skrifar Hanks á Instagram, en yfirmaður Alþjóðaheilbrigðismálastofnunarinnar lýsti kórónuveirufaraldurinn heimsfaraldur í gær.
„Þetta er pínu óvanaleg staða“
Búið að bólusetja börn alla helgina
Sáttur við sína stöðu og finnur fyrir meðbyr
Myndskeið: „Fólk var komið ískyggilega nálægt“
Áköf mótmæli í bandarískum háskólum
Katrín: Jóhönnustjórnin talaði máli Íslands
Átta morðmál á aðeins tólf mánuðum