Kvikmyndahúsið Bíó Paradís mun loka dyrum sínum tímabundið frá og með morgundeginum, þriðjudeginum 24. mars. Allar fyrirhugaðar sýningar og viðburðir falla niður í bili vegna herts samkomubanns. 

Í gær tilkynntu stjórnvöld að hert yrði á samkomubanninu sem tók gildi mánudaginn 16. mars. Viðburðir þar sem fólk kem­ur sam­an verða tak­markaðir við 20 manns í stað 100 áður. Þetta tekur gildi á miðnætti í kvöld.  

Í tilkynningu frá Bíó Paradís segir að endurgreiðsluferli sé nú þegar hafið í gegnum Tix.is fyrir aflýstar sýningar. 

„Við setjum hag og heilsu gesta okkar og starfsfólks í forgang, í samræmi við fyrirmæli sóttvarnarlæknis, og teljum að þetta sé það eina ábyrga í stöðunni eins og hún er í dag. Við þurfum öll að leggja okkar af mörkum til þess að draga úr útbreiðslu óværunnar,“ segir í tilkynningunni. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt