Á laugardaginn bauð Helgi Björns og hljómsveitin Reiðmenn vindanna ásamt Sölku Sól til kvöldvöku á heimilum landsmanna með aðstoð Símans, mbl.is og K100. Helgi tók nokkur af þekktustu lögum sínum í bland við perlur úr dægurlagasögunni.
Tónleikarnir slógu algerlega í gegn enda eru fáir betri en Salka Sól og Helgi Björns þegar þau eru í stuði og ekki eyðilögðu Reiðmenn vindanna neitt.
Hér má sjá Sölku Sólk syngja 1000 sinnum segðu já sem Helgi Björnsson gerði arfavinsælt fyrir þónokkrum árum.
Við hjá Árvakri viljum vekja athygli á því sem vel er gert á þessum erfiðu tímum. Ef þú ert með góða sögu af fyrirtækjum og einstaklingum sem eru að gera gott, sendu okkur ábendingu á netfangið stondumsaman@mbl.is.