Leikarinn Idris Elba er allt annað en sáttur við fólk sem heldur því fram að stjörnur á borð við hann, Tom Hanks og Andy Cohen fái borgað fyrir að segjast hafa smitast af kórónuveirunni. Rappstjarnan Cardi B er meðal þeirra sem viðraði þessa hugmynd og vildi einnig fá borgað.
Elba er smitaður sem og eiginkona hans Sabrina Dhowre. Þau ræddu þetta á Instagram nýlega. Elba var greindur með kórónuveiruna þann 16. mars en eiginkona hans nokkrum dögum seinna.
„Þessi hugmynd að einhver eins og ég fái borgað fyrir að segja að ég sé með kórónuveiruna er hreinlega bull. Það er heimska. Það er besta leiðin til þess að fá fólk til þess að veikjast,“ sagði Elba.
Benti hann einnig á að það væri mikilvægt að allir ættu möguleika á að að fara í sýnatöku og það ætti ekki að skipta máli hvort fólk ætti peninga eða ekki.
View this post on InstagramA post shared by The Shade Room (@theshaderoom) on Mar 24, 2020 at 10:42am PDT