Harry Bretaprins og Meghan hertogaynja eru flutt frá Kanada til Los Angeles-borgar í Bandaríkjunum. Þar að auki styttist í útgáfu náttúrulífsmyndar þar sem Meghan er sögumaður.
Disneynature tilkynnti í gær að 3. apríl kæmi út náttúrulífsmyndin Elephant sem Meghan hertogaynja af Sussex talar inn á og Dolphin Reef sem Natalie Portman talaði inn á.
Talið er að þetta verkefni hafi verið lengi í bígerð en á frumsýningu Lion King síðasta sumar í London náðist myndband af Harry ræða við fyrrverandi yfirmann hjá Lion King um að Meghan gæti talað inn á kvikmyndir.
Hjónin hafa dvalið í Kanada frá því í janúar með syni sínum Archie, en nú eru þau flutt suður á bóginn til heimaborgar Meghan, en móðir hennar Doria Ragland býr einnig í borginni.
Two new movies, two unforgettable journeys. Start streaming Disneynature’s Elephant, narrated by Meghan, The Duchess of Sussex, and Disneynature’s Dolphin Reef, narrated by Natalie Portman, on April 3, only on #DisneyPlus. pic.twitter.com/N0yW0e7Lv6
— Disneynature (@Disneynature) March 26, 2020