Tónlistarkonan Ariana Grande er ekki einmana í sjálfskipaðri sóttkví sinni þessa dagana. Grande er komin með nýjan kærasta og hafa þau deilt síðustu vikum saman heima.
Nýji maðurinn í lífi Grande er fasteignasalinn Dalton Gomez. Að sögn heimildarmanna TMZ hafa þau verið í sambandi í nokkra mánuði. Gomez er enginn alþýðumaður en hann sér um að selja dýrar fasteignir í Los Angeles til ríka og fræga fólksins.
Síðasta haust var Grande sögð vera í sambandi með tónlistarmanninum Mickey Foster. Áður var hún í sambandi með grínistanum Pete Davidson og trúlofuðu þau sig eftir aðeins nokkra vikna samband.