Batnaði áður en hann greindist

Gary Holt á tónleikum með Slayer.
Gary Holt á tónleikum með Slayer. AFP

Gary Holt, gítarleikari þrassbandsins sáluga Slayer, hefur staðfest að hann hafi greinst með kórónuveiruna. Þau tíðindi virðast þó vera akademísk fyrir hann en niðurstaða úr prófi sem Holt og spúsa hans, Lisa, tóku í Bandaríkjunum barst ekki fyrr en ellefu dögum síðar. Í millitíðinni batnaði Holt og kveðst vera við hestaheilsu í dag. Að vísu 7,3 kg léttari. Lisa reyndist ekki smituð. 

Forsaga málsins er sú að Holt var eitthvað rotinpúrrulegur við komuna heim úr tónleikaferð með bandi sínu, Exodus, í nýliðnum mánuði. Einkennin rímuðu við kórónuveiruna og skelltu hjónakornin sér fyrir vikið beint í próf. Fóru að því loknu beint í sóttkví á heimili sínu í Kaliforníu. 

„Ég hef verið einkennalaus nógu lengi til að mega gera það sem er heimilt, svo sem að kaupa sjálfur í matinn! Mér líður mjög vel, komst í gegnum erfiðu dagana, og heilsan virðist orðin 100% á ný. Innilegar þakkir til ykkar allra sem senduð okkur hugheilar kveðjur. Nú sný ég mér að nýjum Exodus-riffum, fyrst ég er að mestu fastur heima,“ segir Holt á Instagram en útgöngubann er í gildi í Kaliforníu.  

mbl.is
Fleira áhugavert

Stjörnuspá »

Hrútur

Sign icon Leitaðu nýrra leiða til þess að auðga líf þitt og bæta. Einhver þér eldri getur miðlað þér af reynslu sinni.
síðasta vika Vinsælustu hljóðbækurnar
1
Laila Brenden
3
Kolbrún Valbergsdóttir
4
Sigríður Dúa Goldsworthy
5
Arnaldur Indriðason
Fleira áhugavert

Stjörnuspá »

Hrútur

Sign icon Leitaðu nýrra leiða til þess að auðga líf þitt og bæta. Einhver þér eldri getur miðlað þér af reynslu sinni.
síðasta vika Vinsælustu hljóðbækurnar
1
Laila Brenden
3
Kolbrún Valbergsdóttir
4
Sigríður Dúa Goldsworthy
5
Arnaldur Indriðason