Hollywood-leikari réðst á konu á Íslandi

Myndband þar sem Hollywood-leikarinn Ezra Miller virðist beita konu á Íslandi ofbeldi hefur farið á flug á netinu. Miller er mikill Íslandsvinur en atvikið átti sér á útisvæði Priksins í miðbæ Reykjavíkur. 

Á myndbandinu sést konan sem er kædd í úlpu frá 66 gráður norður ganga að Miller. Hann spyr hvort hún vilji slást og tekur utan um hálsinn á  henni þannig að hún fellur. Meira sést ekki. 

Ónafngreindur aðili á netinu vill meina að Miller hafi hrækt á starfsfólk. Að lokum eru öryggisverðir sagðir hafa tekið hann og beðið eftir lögreglu. 

Íslenski leikarinn Vilhelm Neto greindi frá því á Twitter að hann hefði orðið vitni að atvikinu. 

„Fer út í smá stund og fyrsta sem ég sé er Ezra Miller öskrandi á alla á Prikinu. Einn aðili sem fær ekki boð í næsta afmælið mitt. Öskrar enginn á Prik starfsfólk nema ég og þá er það til að lýsa ást minni,“ tísti Vilhelm fyrir helgi. 

„Hann er ekki í náðinni lengur,“ svarar  Geoffrey Þór Huntingdon-Williams á Prikinu. 

Miller leik­ur meðal ann­ars í Fant­astic Be­asts-mynd­un­um auk þess sem hann lék í Justice League og Suicide Squad. 

Frétt af mbl.is

Hollywood-stjarna skemmti sér í ÍR-heimilinu

• Blogga um frétt