Úr „Pineapple-Pen“ yfir í handþvott
Setja bókamerki
Japanski grínistinn sem sló í gegn með því að syngja um Pineapple-Pen og spila í framhaldinu fyrir Donald Trump Bandaríkjaforseta er mættur aftur með ný skilaboð: þvoið ykkur um hendurnar.
Grínistinn, þekktur sem Pikotaro, komst í Heimsmetabók Guinness árið 2016 með hinum 45 sekúndna langa smelli „Pen-Pineapple-Apple-Pen“ eða „PPAP“, sem varð stysta lagið til að komast á lista yfir 100 vinsælustu lög bandaríska Billboard-listans.
Í nýrri útgáfu af laginu syngur Pikotaro um handþvott og veitir ekki af vegna kórónuveirunnar sem gengur yfir heiminn.
Þrjár milljónir áhorfa
Á aðeins þremur dögum hefur myndbandið við lagið fengið yfir þrjár milljónir áhorfa á YouTube. Aðdáendasíða kappans hefur sömuleiðis verið yfirfull af myndböndum af hlæjandi japönskum börnum að herma eftir handþvottadansinum hans.
Lagið hans PPAP fór eins og eldur í sinu um netheima árið 2016 eftir að poppstjarnan Justin Bieber deildi sínu „uppáhaldsmyndbandi á netinu“. Horft var á það yfir 67 milljón sinnum á aðeins nokkrum mánuðum. Börn úti um allan heim hermdu eftir Pikorato, þar á meðal barnabörn Trumps. Grínistinn var óvænt fenginn til að skemmta forsetanum þegar hann heimsótti Japan árið 2017.
Bjarkey stendur við skammarbréf Svandísar
Ný staða uppi og óvissan meiri
Spursmál: Fyrsta stóra viðtal Katrínar
Gerir ráð fyrir 150 samningum í næstu viku
Myndskeið: Segjast hafa skotið niður sprengjuflugvél
Almannavarnir auka viðbúnað
Hyggjast leyfa fólki að skoða gosið