Jónsi í Sigur Rós hefur gefið út fyrsta lagið sitt í tíu ár undir eigin nafni. Lagið nefnist „Exhale“ og því fylgir myndband sem Jónsi leikstýrði ásamt Hollywoodleikaranum Givanni Ribisi en lagið vann hann með breska tónlistarmanninum A.G. Cook.
Síðast gaf Jónsi út plötuna Go undir eigin nafni en það var árið 2010 og fyrir hana hlaut hann Norrænu tónlistarverðlaunin árið 2011.