Tískuhönnuðurinn Vera Wang er ung í anda og er ekki hrædd við að klæða sig eins og unglingur. Wang verður 71 árs gömul í sumar en það er ekki að sjá á henni.
Tískuhönnuðurinn hefur verið í sóttkví í Miami í Bandaríkjunum þótt hún sé búsett í New York. Hún sagði í viðtali við Harper's Bazaar að hún og tískuteymið hennar hafi fest í Miami eftir að þau komu heim frá tískuvikunni í París. Wang segir að það hafi þó verið skemmtilegt.
„Þau eru öll í mjög góðu formi og þar af leiðandi hef ég tekið æfingu með þeim flestalla daga,“ sagði Wang.
Wang segist hafa fengið tíma í sóttkvínni til að leika sér með fötin sín, sem sé tækifæri sem fæstir fatahönnuðir fái undir eðlilegum kringumstæðum.