Nýja Eurovision-myndin með Will Ferrell í aðalhlutverki verður frumsýnd 26. júní.
Ferrell greindi frá þessu í spjallþætti Grahams Nortons á BBC í gærkvöldi, að því er RÚV greindi frá.
Myndin, sem verður sýnd á Netflix, var að hluta til tekin upp hér á landi.
Norton og Ferrell ræddust við í gegnum fjarfundarbúnað og dró leikarinn fram minjagripi úr kvikmyndum sem hann hefur leikið í á ferli sínum.
Skemmst er að minnast þess þegar Ferrell tilkynnti sigurvegarann í stigakeppni sem var haldin í þættinum Okkar 12 stig á RÚV.