Tónlistarmaðurinn Calvin Harris greinir frá því á Twitter að hann hafi farið í hjartastopp árið 2014. Hann sagði aðdáendum sínum frá því hversu skrítið árið 2014 hefði verið fyrir hann en tónlistarlega séð var árið 2014 nokkuð gott.
„Árið 2014 var áhugavert fyrir mig, byrjaði á því að komast í fyrsta sætið í Bretlandi og endaði á því að fara í hjartastopp á gjörgæslu,“ tísti Harris. Hann sagði ýmislegt hefði gerst í millitíðinni en hann deildi myndbandi af tónleikum sínum á EDC-tónlistarhátíðinni árið 2014.
Heilsan var ekki nógu góð hjá Harris fyrir sex árum eins og kom í ljós þegar hann þurfti að hætta við að koma fram á MTV-verðlaunahátíðinni í Evrópu í nóvember 2014.
„Engin Ema fyrir mig þessa helgina. Er með smá hjartavandamál. Er á leiðinni heim til að sjá hvort það sé hægt að laga það,“ tísti Harris stuttu fyrir verðlaunahátíðina. Hægt var að lækna Harris en vandamálið var greinilega frekar stórt.
Interesting year for me 2014, started with me knocking myself off number 1 in the UK and ended with my heart getting restarted in the ER...this sort of stuff happened in between https://t.co/BS0JqXmyhY
— Calvin Harris (@CalvinHarris) May 20, 2020