Leikkonan Jamie King fékk nýverið tímabundið nálgunarbann gegn eiginmanni sínum, Kyle Newman. Samkvæmt gögnum í málinu staðfesti dómari nálgunarbann yfir Newman þar til 8. júní þegar málið verður tekið fyrir.
King hefur óskað eftir að forræði yfir börnum þeirra og heimsóknarréttur verði skoðaður en fékk synjun.
King sótti um leyfi til þess að fá að sækja um skilnað en dómstólar í Bandaríkjunum taka þessa dagana ekki við umsóknum um skilnað vegna ástandsins í þjóðfélaginu. Auk þess að sækja um skilnað óskaði hún eftir gripið yrði inn í vegna heimilisofbeldis sem hann beitti hana.
King og Newman gengu í það heilaga árið 2007 og eiga saman tvo syni, þá James Knight og Leo Thames.