Veröld/Fólk | mbl | 21.5.2020 | 17:20

Daði vinsælastur í flestum löndum

Margir telja að Daði og Gagnamagnið hefðu farið alla leið og sigrað Eurovision í Rotterdam í ár. mbl.is/Eggert Jóhannesson

Þrátt fyrir að hætt hafi verið við Eurovision-keppnina í ár fóru víða fram vinsældarkosningar. Það er ekki að undra að Daði Freyr okkar Íslendinga hafi víða verið hlutskarpastur í slíkum kosningum.

Í Noregi, Ástralíu, Svíþjóð, Austurríki og Danmörku sigruðu Daði og Gagnamagnið vinsældarkosningar.

Daði stóð uppi sem sigurvegari í Noregi

Í kosningum alþjóðlegra samtaka áhugafólks um Eurovision (OGAE) hafnaði Daði í öðru sæti, á eftir lagi Litháen. Nokkuð miklu munaði á 1. og 2. sæti, meira en hundrað stigum, en 3. sætið, lag Sviss, var aðeins 14 stigum á eftir Daða.

Í keppni Eurojury, þar sem dómnefnd tónlistarmanna velur sigurvegarann, bar Daði sigur úr bítum. Aðeins einu stigi munaði á Daða og öðru sæti, Sviss.

Þá sigraði Daði keppni Eurostream örugglega, með rúmlega 130 stigum, en Litháen hafnaði í öðru sæti.