Lækjargötu var í morgun lokað vegna upptöku á auglýsingu fyrir Reykjavíkurmaraþonið, en mikið var um að vera í götunni og mátti þar sjá meðal annars slökkviliðsbíla, sjúkrabíla og mikið fjölmenni í hlaupaskóm.
Eins og sjá má á meðfylgjandi myndum verður Steinþór Hróar Steinþórsson, betur þekktur sem Steindi jr., líklegast í forgrunni í auglýsingu þessa árs. Með honum í Lækjargötunni að hlaupa eru svo slökkviliðsmenn, hjúkrunarfræðingar, fjöldi barna og annarra borgarbúa.
Upptökur áttu sér stað fyrir framan Stjórnarráðið þegar blaðamann mbl.is bar að garði.