Rithöfundurinn J. K. Rowling kom aðdáendum sínum á óvart í dag þegar hún tilkynnti að hún ætlaði að gefa út barnabók. Bókina ætlar Rowling að gefa út, kafla fyrir kafla, á vefsíðu sinni. BBC greinir frá.
Ævintýrið ber nafnið The Ickabog og er fyrsta barnabók hennar sem gerist ekki í söguheimi galdrastráksins Harry Potter.
Bókina skrifaði Rowling fyrir meira en áratug fyrir sín eigin börn en hefur ákveðið að dusta rykið af henni í heimsfaraldrinum.
Sagan er „fyrir börn í útgöngubanni, eða jafnvel fyrir börn sem eru komin í skólann á þessum fordæmalausu tímum,“ sagði Rowling í tilkynningunni.
Kaflar úr The Ickabog munu birtast á vef bókarinnar, TheIckabog.com, daglega klukkan 15 frá og með deginum í dag til 10. júlí.
Rowling sagði að hún hefði upphaflega ætlað að gefa út bókina eftir að sjöunda og síðasta bókin í Harry Potter-seríunni kom út árið 2007. Hún ákvað hins vegar að taka sér pásu frá því að gefa út bækur og handritið safnaði ryki á háaloftinu hjá henni.
Over time I came to think of The Ickabog as just for my family. The manuscript went up into the attic, where it remained until a few weeks ago.
— J.K. Rowling (@jk_rowling) May 26, 2020
This is the very dusty box I got down from the attic.
(It's a Net-A-Porter box and might well have held a premiere dress.)
4/13 pic.twitter.com/vg8F5Qx33M