Leikarinn Richard Herd er látinn 87 ára að aldri. Herd var hvað best þekktur fyrir hlutverk sitt í gamanþáttunum Seinfeld þar sem hann fór með hlutverk Mr. Wilhelm.
Herd lést á heimili sínu í Los Angeles í Bandaríkjunum í gær. Hann var með krabbamein.
Herd sló upphaflega í gegn í leikhúsi í New York en lék í sinni fyrstu kvikmynd, Hercules in New York, árið 1970. Hann lék í fleiri kvikmyndum á 8., 9. og 10. áratug síðustu aldar. Hann lék í 11 þáttum af Seinfeld.
Frétt Variety.