Breski rithöfundurinn J.K. Rowling hefur verið sökuð um fordóma gagnvart trans fólki, ekki í fyrsta sinn, eftir að hafa birt á Twitter-síðu sinni gagnrýni á grein þar sem orðalagið „fólk sem fer á blæðingar“ var notað.
„Fólk sem fer á blæðingar. Ég er nokkuð viss um að það hafi verið til orð fyrir slíkt fólk. Getur einhver hjálpað mér? Wumben? Wimpund, Woomud?“ skrifaði Rowling á twitter.
Ummæli Rowling hafa vakið mikla reiði á samfélagsmiðlum og verið sögð fordómafull gagnvart trans fólki.
Á meðal þeirra sem gagnrýndu ummæli Rowling var Ugla Stefanía Kristjönudóttir, en hún vitnaði í orð Albus Dumbledore, hugarsmíði Rowling, og sagði óskandi að höfundur orðanna gæti lifað eftir þeim.
"It matters not what someone is born, but what they grow to be." ― Albus Dumbledore.
— Owl (@UglaStefania) June 7, 2020
Rowling brást við gagnrýninni með annarri færslu á Twitter þar sem hún sagðist styðja trans fólk.
„Ef kyn er ekki raunverulegt er samkynhneigð ekki til. Ef kyn er ekki raunverulegt er raunveruleiki kvenna um allan heim strokaður út. Ég þekki og elska trans fólk, en ef þú eyðir út hugmyndinni um kyn eyðir það möguleikanum fyrir marga að geta talað um líf sitt á djúpstæðan hátt. Það er ekki hatur að segja sannleikann,“ skrifaði Rowling.
If sex isn’t real, there’s no same-sex attraction. If sex isn’t real, the lived reality of women globally is erased. I know and love trans people, but erasing the concept of sex removes the ability of many to meaningfully discuss their lives. It isn’t hate to speak the truth.
— J.K. Rowling (@jk_rowling) June 6, 2020