Féll í gólfið á sýningu og greindist með veiruna

Leikarinn og uppistandarinn D.L. Hughley greindist smitaður af kórónuveirunni eftir að hann féll í yfirlið á uppistandssýningu sinni á föstudaginn. Hughley greindi frá því á laugardag að hann hefði greinst með veiruna en yfirliðið var þó ótengt því. 

Hann segir að hann hafi fengið meðferð við ofþreytu og ofþornun. Hann hafi þar að auki verið skimaður fyrir veirunni og kom það honum á óvart þegar hann greindist jákvæður. 

Hughley sýndi engin einkenni fyrir. „Ég var ekki með flensueinkenni, ég var ekki andstuttur, ég átti ekki erfitt með að anda, ég var ekki með hósta, ég var ekki með vægan hita. Ég er ekki enn búinn að fá hita. Ég missti ekki bragð- og lyktarskyn, það eina sem ég missti var meðvitund,“ sagði Hughley í myndbandi á samfélagsmiðlum. 

• Blogga um frétt