Fjórar stjörnur í unglingaþáttunum vinsælu Riverdale voru um helgina sakaðar um að hafa beitt kynferðislegu ofbeldi. Leikarinn Cole Sprouse og leikkonan Lili Reinhart hafa bæði neitað ásökununum.
Ásakanirnar voru opinberaðar á dularfullum reikningi á Twitter á sunnudag. Aðgangurinn @Victori66680029 sakaði Sprouse um að hafa beitt kynferðisofbeldi í partýi árið 2013.
False accusations do tremendous damage to victims of actual assault. Furthermore, I would never seek to silence anybody. I encourage that people look into the accusations themselves, as the events detailed were factually untrue. 2
— Cole M. Sprouse (@colesprouse) June 22, 2020
Leikararnir Vanessa Morgan og KJ Apa voru einnig sökuð um að hafa beitt kynferðisofbeldi á sambærilegum aðgangi á Twitter. „Sjáið hvað það er auðvelt að ljúga og þið trúið því? Vanessa Morgan og KJ Apa gerðu ekki neitt. Þið trúið öllu,“ var skrifað á aðganginn seinna sama dag.
Sprouse og Reinhart eru þau einu sem hafa svarað fyrir sig á Twitter. Bæði segja þau að ekkert sé til í ásökununum og að falskar játningar um kynferðisofbeldi dragi úr raunverulegum játningum þeirra sem hafa orðið fyrir kynferðisofbeldi.
Þau sögðust bæði ætla að vinna með lögfræðingum til að komast til botns í málinu.
I have always taken sexual assault allegations seriously. But it was proven that this account was created specifically to create false stories about me and my cast. I can’t think of something more twisted than lying about sexual assault. It invalidates the men and women who are- https://t.co/qcZMXYPNLQ
— Lili Reinhart (@lilireinhart) June 22, 2020
Tvær aðrar stjörnur voru ásakaðar á Twitter um að hafa beitt kynferðisofbeldi um helgina. Kanadíski tónlistarmaðurinn Justin Bieber var sakaður um að hafa beitt stúlku kynferðisofbeldi á hóteli í Austin í Texas árið 2014. Hann hefur neitað ásökununum og birt sönnunargögn þess efnis að hann hafi aldrei verið á umræddu hóteli á umræddum tíma.
Bandaríski leikarinn Ansel Elgort sakaður um að hafa beitt 17 ára stúlku kynferðisofbeldi árið 2014. Í svari sínu á Twitter sagðist hann hafa átt í stuttu, löglegu sambandi við stúlkuna en hafi svo látið sig hverfa í stað þess að hætta með henni. Hann bað hana opinberlega afsökun á því hvernig sambandi þeirra lauk.