Ný plata frá Jónsa í október

Tónlistarmaðurinn Jónsi sem er auðvitað best þekktur fyrir störf sín með Sigur Rós mun gefa út plötuna Shiver þann annan október en það er hans önnur sólóplata. Sú fyrri kom út fyrir áratug og í dag kemur „Swill“ sem er annað lag plötunnar sem heyrist opinberlega.

Frétt af mbl.is

Fyrsta lagið frá Jónsa í tíu ár

Útgáfan er á vegum Krunk plötuútgáfunnar. Sænska söngkonan Robyn kemur fram á plötunni samkvæmt tilkynningu en einnig Liz Fraser sem gerði garðinn frægann á árum áður með hljómsveitinni Cocteau Twins. Upptökustjórn er að hluta til í höndum A.G. Cook en „Exhale“ var fyrsta lagið af skífunni sem fólk fékk að heyra þegar það kom út fyrir skömmu.

Á Shiver „mætir lífrænn og draumkenndur hljóðheimur Jónsa mætir vélrænni og framúrstefnulegri upptökustjórn A.G. Cook. Með þessu óvenjulega samstarfi heldur Jónsi áfram að þenja út mörk listformsins og skynjunar okkar,“ segir í tilkynningu en myndbandi við lagið er leikstýrt af Barnaby Roper og hreyfihönnun er eftir Pandagunda. 

Ellefu lög verða á Shiver:

Skjáskot úr myndbandinu við Swill.

• Blogga um frétt