Vildu hafa stað til að „chilla“ á

„Okkur langar að hafa stað til að „chilla“ á og helst að geta klifrað á og skriðið inn í,“ segir Guðrún Lilja Gunnlaugsdóttir, að hafi verið helstu óskir barna í Breiðholti sem komu að hönnun á Okinu í Gerðubergi sem er skapandi upplifunarrými fyrir börn og unglinga og er til umfjöllunar á Hönnunarmars.

Í myndskeiðinu er kíkt í rýmið sem var styrkt af Barnamenningarsjóði en því er ætlað að örva sköpunargleði krakka ásamt því að vera rólegur staður fyrir grúsk og dundur. Rætt er við Guðrúnu sem er deildarstjóri Þjónustu og þróunar hjá Borgargarbókasafni en einnig við leiðbeinendur í Okinu sem vinna með krökkunum í ýmiskonar smiðjum og öðru starfi í sumar.

Verkefnið er tilraunaverkefni Borgarbókasafnsins og hefur verið starfrækt um nokkurra mánaða skeið en með hökti þar sem faraldur kórónuveirunnar hefur sett strik í starfsemina. Goðafræði og umhverfismál eru leiðarstef í upplifuninni og býðst krökkunum ýmiskonar fræðsla því tengt í Okinu.

Guðrún segir að hönnunarhugsun hafi ráðið för frá byrjun og á fimmtudag verður sérstök kynnning á starfinu og hugmyndafræðinni á Hönnunarmars.

Starfið í Okinu er hægt að kynna sér hér.

mbl.is

Stjörnuspá »

Hrútur

Sign icon Það er hætt við að yfirmenn þínir, foreldrar eða nánir vinir mistúlki gerðir þínar í dag. Leyfðu því að hvíla um sinn meðan undirmeðvitundin glímir við það.

Stjörnuspá »

Hrútur

Sign icon Það er hætt við að yfirmenn þínir, foreldrar eða nánir vinir mistúlki gerðir þínar í dag. Leyfðu því að hvíla um sinn meðan undirmeðvitundin glímir við það.