Íslendingar hafa mestan áhuga á sjálfum sér
Áhugi á Húsavík hefur stóraukist eftir að kvikmyndin Eurovision Song Contest: The Story of Fire Saga kom út, föstudaginn 26. júní síðastliðinni. Sé rýnt nánar í tölur á Google Trends má hinsvegar sjá að áhuginn hefur aukist hvað mest á Íslandi, þar sem leitað er í gríð og erg að Húsavík.
Kvikmyndin var tekin upp á Húsavík og tóku margir bæjarbúar þátt í tökunum.
Þegar tölur frá Google Trends eru skoðaðar fyrir síðustu 30 daga má sjá að áhuginn á Húsavík hefur aukist mikið og náði hápunkti 28. júní. Þegar skoðað hvaðan þessi áhugi kemur er hann mestur frá Íslandi en einnig frá Möltu, Svíþjóð, Noregi og Norður Makedóníu.
Hægt er að rýna nánar í tölurnar og þegar skoðað er hvar á Íslandi áhuginn er mestur má sjá að áhuginn er mestur á Norðausturlandi, hvar Húsavík er einmitt staðsett. Einnig er nokkur áhugi frá Austurlandi, Vesturlandi, Vestfjörðunum og Suðurnesjunum. Lítill áhugi er á Norðvesturlandi.
