Uppselt er á alla þrjá tónleika Bjarkar Guðmundsdóttur sem fara munu fram í ágúst næstkomandi. Miðasala hófst í síðustu viku. Enn er hægt að kaupa miða á beint streymi frá tónleikunum en 20% af þeim renna til góðgerðarmála.
Tónleikarnir þrír munu fara fram í Eldborgarsal Hörpu 9., 15. og 23. ágúst nækomandi. Allir hafa þeir sérstöðu og ólíka dagskrá.
Á þessum viðburðum koma fram með Björk um það bil 100 íslenskir tónlistarmenn. Þetta er hátíð þar sem Björk heldur upp á samstarf sitt við tónlistarfólk frá Íslandi, sem starfað hefur með henni í hljóðverum og á tónleikum um allan heim.
Samhliða tónleikunum er haldin söfnun til styrktar Kvennaathvarfinu