Skrifstofa réttarmeinafræðings í Los Angeles sýslu í Bandaríkjunum hefur staðfest að Benjamin Keough, barnabarn Elvis Presley, tók sitt eigið líf.
Hinn 27 ára gamli Benjamin fannst látinn í Calabasas í Kaliforníu á sunnudag. Við krufningu kom í ljós að dánarorsökin var skotsár og andlátið úrskurðað sem sjálfsvíg.
Benjamin var sonur Lisu Marie Presley en hann átti hún með tónlistarmanninum Danny Keough. Þau áttu einnig saman dótturina Riley Keough sem er 31 árs.
„Hún dýrkaði þennan strák. Hann var ást hennar í lífinu,“ sagði Roger Widynowski. Benjamin þótti einstaklega líkur afa sínum, stórstjörnunni Elvis Presley.
BBC greinir frá.
Ef einstaklingar glíma við sjálfsvígshugsanir er bent er á hjálparsíma Rauða krossins, 1717. Einnig má hafa samband við Píeta-samtökin sem veita ókeypis ráðgjöf í síma 552-2218.