Söngkonan Demi Lovato er trúlofuð Max Ehrich aðeins fjórum mánuðum eftir að kom í ljós að þau væru að hittast.
Lovato er 27 ára en Ehrich er 29 ára leikari sem hefur meðal annars leikið í sápuóperunum The Young and the Restless. Hann bað hennar með því að fara á eitt hné með veglegan demantshring í hönd.
Lovato skrifar innilega færslu á Instagram þar sem hún segir frá tíðindunum. Ehrich fær hana til þess að vilja vera besta útgáfan af sjálfri sér. Hún segist hafa vitað að hann væri sá rétti frá fyrstu stundu. Ehrich tekur undir með söngkonunni á sinni Instagram síðu og segir hana vera allt sem hann gæti mögulega óskað sér.