Læknar telja að Jóakim Danaprins muni ná sér að fullu eftir að hafa gengist undir heilaskurðaðgerð vegna blóðtappa.
Jóakim, sem er 51 árs, gekkst undir aðgerðina í Frakklandi á föstudag eftir að hafa verið þar í fríi með fjölskyldu sinni.
„Eftir að hafa legið á sjúkrahúsi síðustu daga á gjörgæsludeild er mat lækna að blóðtappinn muni ekki hafa frekari líkamleg einkenni eða önnur veikindi í för með sér fyrir Jóakim prins,“ sagði í yfirlýsingu frá dönsku konungshöllinni.
Prinsinn verður fljótlega fluttur af gjörgæsludeild en mun áfram dvelja á sjúkrahúsinu.