Ákveðið hefur verið að fresta öllu tónleikahaldi sem átti að fara fram um verslunarmannahelgina í Gamla Kaupfélaginu á Akranesi vegna óvissuástands í tengslum við fjölda kórónuveirusmita undanfarna daga.
Ljóst er að fyrirhuguðum tónleikum hljómsveitarinnar Á móti sól, sem áttu að fara fram í Gamla Kaupfélaginu á laugardagskvöld, hefur verið aflýst.
„Ekkert er verðmætara en heilsan, förum varlega,“ segir meðal annars í Facebook-færslu Gamla Kaupfélagsins en hópsmit hefur komið upp á Akranesi.