Á vef The Sun kemur fram að Kim Kardashian er að undirbúa ferðalag þar sem hún ætlar að bjóða eiginmanni sínum, Kanye West og vinarhjónum þeirra, á rólegan stað þar sem þau geta talað saman og unnið úr málunum. Vinarhjónin eru presturinn Rich Wilderson og eiginkona hans. Wilderson hefur verið andlegur leiðtogi West í áraraðir.
Kardashian og West hafi ekki búið undir sama þaki í eitt ár. Kardashian ku vilja gera allt sem hún getur til að ná aftur til West og aðstoða hann við að komast í bata frá andlegum veikindum sínum. En það hefur reynst henni erfitt að undanförnu þar sem hann hefur ekki svarað símtölum hennar.
Ef West leitar sé ekki aðstoðar mun hún biðja um skilnað við hann segir í fréttinni.
West er sagður hafa dvalið að mestu leyti á búgarði sínum í Wyoming og Kim heimsótt hann einu sinni í mánuði með börnin. West líkar betur lífið í Wyoming og telur það betri stað til þess að sinna tónlistinni. Hann hefur ýjað að því á Twitter að hann vilji að fjölskylda hans flytji til sín.
Hjónabandið hefur verið undir miklu álagi upp á síðkastið sérstaklega eftir að West tilkynnti framboð sitt til forseta Bandaríkjanna. Þau hafa fjarlægst hvort annað mjög og Kardashian telur það ekki gott fyrir börnin að vera í kringum hann núna.