Leikkonan Jennifer Garner er hætt með kærasta sínum, viðskiptamanninum John Miller, að því fram kemur á vef In Touch. Parið var búið að vera saman í tvö ár en á þeim tíma gekk skilnaður Garner og Ben Affleck loksins í gegn.
Parið fyrrverandi er sagt hafa hætt saman áður en kórónuveiran gerði allt vitlaust í Bandaríkjunum að sögn heimildarmanns. „Jen og John eru enn vinir svo það er möguleiki á því að þau geti glætt sambandið nýju lífi í framtíðinni en akkúrat núna eru þau hætt saman.“
Samband Garner og Miller komst í fréttir í október 2018 en þá höfðu þau verið saman í nokkra mánuði. Skilnaður Garner og barnsföður hennar, Ben Affleck, gekk einnig í gegn í sama mánuði. Saman eiga þau Garner og Affleck þrjú börn saman. Í nóvember 2018 gekk einnig skilnaður Miller og fyrrverandi eiginkonu hans, Caroline Campbell, formlega í gegn.