Tökum á nýjum þætti af Vinum hefur enn og aftur verið frestað. Það eru ekki bara aðdáendur sem eru svekktir. Leikkonan Jennifer Aniston segist í viðtali við Deadline einnig vera afar leið en lítur þó á aðstæðurnar með jákvæðum augum.

Upphaflega átti að taka þáttinn upp um miðjan mars. Dagsetningunni var síðan frestað fram í maí en var svo frestað aftur og er ekki búið að ákveða nýja dagsetningu. 

„Það er mjög leiðinlegt að við þurftum að færa hana aftur,“ sagði Aniston sem hlakkar til að taka þáttinn upp þegar það er öruggt. „Þetta var: „Hvernig gerum við þetta með áhorfendum?“ Það er ekki öruggt núna. Það er málið.“

„Þetta verður æði. Veistu hvað? Þetta hefur gefið okkur meiri tíma til þess að gera þetta spennandi og skemmtilegra en það hefði annars verið. Svo ég vel að horfa á þetta þannig að glasið er hálffullt,“ sagði Aniston og bætti við að þau væru ekki að fara neitt. 

Frétt af mbl.is

Friends snýr aftur

Kórónuveirufaraldurinn hefur haft áhrif á Aniston eins og svo marga aðra og hefur árið ekki verið það besta í hennar lífi. „Ég þarf að endurnýja ökuskírteinið mitt og ég vil ekki að það standi 2020 á því,“ sagði Aniston sem sagðist bara vilja drífa 2020 af. 

Jennifer Aniston. AFP

Tengdar fréttir

Jennifer Aniston

„Mig langar svo mikið að gifta mig“

• Jennifer Aniston gefst ekki upp á ástinni
• Aniston íhugaði að hætta
• Friends ekki eina tekjulind Aniston
• Sýndi magavöðvana í tilefni 51 árs afmælisins

» Fleiri tengdar fréttir

• Blogga um frétt