Óskarsverðlaunaleikkonan Halle Berry birti mynd af sér í appelsínugulum stundfötum á Instagram. Aðdáendur hennar voru fljótir að sjá líkindin með klæðnaði hennar á myndinni og klæðnaðinum í atriði í James Bond-myndinni Die Another Day.
Í Bond-myndinni, sem kom út árið 2002, lék Berry Jinx. Atriðið þegar hún birtist upp úr sjónum á ströndinni og grípur athygli James Bond, sem Pierce Brosnan lék, er eitt af eftirminnilegustu James Bond-atriðum síðari ára.
Berry verður 54 ára í vikunni en það er ekki að sjá að hún hafi breyst mikið á þeim tæpu tveimur áratugum sem liðnir eru síðan hún lék í myndinni. Hún hefur þó safnað bæði hári og vöðvum en Berry er dugleg að sýna hversu dugleg hún er að æfa á samfélagsmiðlum.