Bandaríska leikkonan Rose McGowan hefur sakað leikstjórann Alexander Payne um að hafa beitt sig kynferðisofbeldi. Payne hefur meðal annars leikstýrt kvikmyndunum The Descendants og Sideways. 

Í þræði á Twitter á mánudag og sunnudag greindi leikkonan frá upplifun sinni af leikstjóranum þegar hún var 15 ára gömul. „Þú lést mig setjast niður og kveiktir á hálfgerðri klámmynd sem þú leikstýrðir fyrir Showtime undir öðru nafni. Ég man ennþá eftir íbúðinni þinni í Silverlake,“ skrifaði McGowan á Twitter. 

McGowan var ein af fyrstu konunum til að greina opinberlega frá ósæmilegri hegðun kvikmyndaframleiðandans Harvey Weinstein. Frásögn hennar og fleiri kvenna urðu til þess að Weinstein var að lokum dæmdur fyrir kynferðisofbeldi.

Frétt af mbl.is

„Konur grípa til baka“

McGowan sagði frá því í tístunum að eftir að þau Payne höfðu eytt tíma saman hafi hann skilið hana eftir á götuhorni. 

Hún sagði tilganginn með því að greina frá hinu meinta ofbeldi sé ekki að eyðileggja hann heldur að fá hann til að viðurkenna það og biðja hana afsökunar. Talmenn Payne hafa ekki svarað ásökunum McGowan. 

Hún hefur einnig opnað sig um reynsluna á Instagram þar sem hún nafngreinir hann ekki en vísar til þess að það hafi hún gert á Twitter. Í færslunni á Instagram talar hún beint til hans og biður hann um að taka ábyrgð á hegðun sinni. 

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt