Fundu leið að settu marki

Þorkell, Laddi og Marinó á frumsýningu Ömmu Hófí í júlí.
Þorkell, Laddi og Marinó á frumsýningu Ömmu Hófí í júlí. mbl.is/Díana Júlíusdóttir

„Planið var alltaf að gera gamanmyndir,“ segir Þorkell Harðarson, kvikmyndaframleiðandi og -leikstjóri sem rekur fyrirtækið Markell Productions með vini sínum Erni Marinó Arnarsyni. Þeir félagar eiga nú tvær gamanmyndir í bíó sem hlotið hafa mjög mikla aðsókn og þá ekki síst í ljósi kófsins sem hafði í för með sér lokanir kvikmyndahúsa og núna fjöldatakmarkanir. Kvikmyndirnar, Amma Hófí og Síðasta veiðiferðin, hafa samanlagt lokkað um 54 þúsund manns í bíó, álíka marga og sáu allar þær íslensku myndir sem voru í bíó í fyrra en þær voru 16 talsins. 

Rætt er við Þorkel í nýjasta þætti kvikmyndahlaðvarpsins BÍÓ og fór samtalið fram á taílenskum veitingastað eins og heyra má glöggt undir lok samtalsins. 

„Við erum búnir að vinna í þessum bransa frá því á síðustu öld og vorum alltaf að vinna fyrir aðra í gamla daga, mikið fyrir Friðrik Þór og fleiri, vorum svona þrælar í þessum myndum að halda á þungum hlutum fyrir ákvarðanafælið fólk á skrítna staði á furðulegum tíma sólarhringsins, það er kvikmyndagerð í hnotskurn,“ segir Þorkell. „Þá sáum við hvernig þessar myndir voru gerðar og hvað væri að fara í súginn, að okkar mati. Þannig að við fundum það út að ef við slepptum óþarfanum væri hægt að gera mynd á miklu hagkvæmari hátt,“ segir Þorkell. 

Þeir Örn bjuggu til módel út frá þessari reynslu sinni, segir Þorkell, eða aðferð við að búa til kvikmyndir. „Módelið snýst um að þú gerir mynd af ákveðnum toga á ákveðinn hátt og hluti af módelinu er að þú kemur fólkinu á ákveðinn stað  eins og til dæmis í Síðustu veiðiferðinni, þá komum við því í veiðikofann  og í kringum veiðikofann og í ánni og út frá þessum sentral punkti þá gerum við út, skjótum myndina. Það þýðir að þú ert ekki að eyða dýrmætum tíma með fólk á launum í að keyra landshorna á milli,“ segir Þorkell. 

Víðar er komið við í samtalinu eins og heyra má í hlaðvarpsþættinum hér fyrir neðan. 

mbl.is

Stjörnuspá »

Hrútur

Sign icon Passaðu hverjum þú deilir leyndarmálunum með. Veldu orð þín af kostgæfni í dag því hætta er á að upp komi misskilningur.
síðasta vika Vinsælustu hljóðbækurnar
1
Skúli Sigurðsson
2
Stefan Mani
3
Laila Brenden
5
Anna Sundbeck Klav

Stjörnuspá »

Hrútur

Sign icon Passaðu hverjum þú deilir leyndarmálunum með. Veldu orð þín af kostgæfni í dag því hætta er á að upp komi misskilningur.
síðasta vika Vinsælustu hljóðbækurnar
1
Skúli Sigurðsson
2
Stefan Mani
3
Laila Brenden
5
Anna Sundbeck Klav