Ein vinsælasta sjónvarpsþáttaröð Símans, Venjulegt fólk, snýr aftur í október. Um er að ræða grínþætti með dramatísku ívafi. Í þáttunum er fylgst með Völu og Júlíönu, sem hafa verið vinkonur frá því í menntaskóla, takast á við lífið og tilveruna.
Serían fjallar um áframhaldandi vinskap milli Júlíönu og Völu. Fjármál Júlíönu snúast til hins betra en Vala verður gjaldþrota. Setur þetta vinskap þeirra í hættu? Breyta fjármál öllu?
Öll þáttaröðin er væntanleg 28. október í Sjónvarpi Símans Premium.