One Direction-stjarnan Liam Payne og Maya Henry eru trúlofuð eftir tveggja ára samband. Sögusagnir fóru á kreik í gær um að parið væri trúlofað eftir að Henry sást með demantshring á fingri á veitingastað og hefur það nú verið staðfest.
Trúlofunin hefur þaggað niður í sögusögnum sem gengu í vetur um að þau væru hætt saman. Þá sáust þau ekki saman á almannafæri í fjóra mánuði.
Hið nýtrúlofaða par sást fyrst saman í ágúst árið 2018, aðeins nokkrum mánuðum eftir að Payne hætti í sambandi með Cheryl Cole. Payne og Cole eiga soninn Bear sem er þriggja ára.